Gising ka pa?

Mulat pa sya, sabi nya...
Bakit gising ka pa?
Naghihintay raw ng bagyo,
bago mag umaga.
Nag aabang ng buwan
Sa maulap na gabi.
Nananaginip ng gising
At walang katabi.

Gusto na nya, pilit pa
E Wala na kong panaginip na iba?
Wala ng magpapapikit
Ng napakahigpit
Habang nakangiti'ng wagas

ang aking mga mata.

Gusto ng makatulog
Pero inuulit-ulit pa...

Bakit gising ka pa?
Mahirap na... mahirap na...

Wala na kasi talaga...
Wala na akong panaginip na iba...

Malamig bakante
Wala ng aasahan
Mga pangarap na lumaos
Nauntog at nalaglag

Bangas ang puso este NGUSO

sa paikot na hagdanan.

Gising na gising
Tulala at torete
Nakatungga at nalasing
Sa isang galong kape

Ayaw ko na, ayaw pa rin
Malayo na ako sa mga bituin
Wala ng panaginip
Wala ng pagtahan
Wala ng pagdadasal

sa isang pangalan.
Gusto ko ng matulog
Magpahingang mahimbing
Mulat at huwag ng tatanungin
Kung bakit pa rin?

Kahit wala na...
Bakit pa ako gising?