Walang Yumuyuko sa Langit

Napamahal ka na ba sa ulan?

sa bahagyang maya't mayang tapsak na nagpapagaan

ng iyong kaluluwang lunod

at ang hangin ay susunod

sa pagdaloy ng yong lagyo sa iyong kalulwa

Nagkaroon ka na ba ng gabi...

Na parang may sumabog na nebula sa iyong utak?

nagkukulay bahaghari na mga bulak

at kumikislap kumikindat ang lahat

at uulanan ka ng ligaya

Narito ang langit

nagsasalpukan, nagkakasabugan

sa mga hindi natupad na hiling sa mga bituin

At pinipilit silang tingalain

at panoorin ang laban ng mga pangarap

na kumukulay dugo sa alapaap

...

Ako'y isang tagahanga ng langit

sa kanyang walang humpay na pagbabago

sa kanyang mga ulang dala'y nostalhiya

sa kahel na mga paglubog ng araw at romansa

at maging ragasa ng panaghoy ng bagyo

nag-aalab na ragundong mga delubyo

at Siya pa ri'y tinitingala
siya pa rin ang tinatakasan

siya pa ri'y isang tanghalan
Pagkat walang niyuyukuan ang langit
at sa kanyang mga bituin
ang mga buhay ay nakakapit