Pulang Langit

 

Sinong namatay sa langit?
Sino ang umiyak pabaligtad

at pinasipsip sa mga ulap ang hinanakit sa mundo?

Nagpaparamdam ang siyang mga di natin nakikita

nasa kabilang ibayo ng dagat

at naghahalo na ang dugo at luhang maalat

sa hagupit ng malalakas na alon.

Mapula na ang kanilang mga mata

Nagraragasang di humuhumpay na sakit ng LAHAT.

nakahandusay sa pusod ng nakakautas na dagat.

Nabilad sa araw. Sumingaw na parang tubig at umakyat sa langit.

Namuo at humubog ng mga pulang ulap

NA SIYA NAMANG BUBUHOS NG DUGO SA ATIN.